Россия ҳарбий-коинот кучларининг авиагуруҳи Сурияда операция бошлагандан бери террорчилар инфратузилмасининг 2084 та объектига зарба берган. Бу ҳақда Россия Қуролли кучлари бош штаби бош тезкор бошқармаси раҳбари Андрей Картаполов маълум қилди, деб хабар бермоқда «Интерфакс» ахборот агентлиги. 

“Операция бошлангандан бери бизнинг самолётлар 1631 та парвоз амалга ошириб, террорчилар инфратузилмасининг 2084 та объектига зарба берди”, деб айтди Картаполов.

Бу зарбалар давомида жангариларга тегишли 287 та турли бошқарув пункти, 57 та террорчиларни тайёрлаш лагери, 40 та фугас ва ракеталар тайёрлаш завод ва устахоналари, 155 та ўқ-дори ва ёнилғи омбори йўқ қилинди.

Россия Сурияда ҳаво операциясини 30 сентябрдан бошлаб ўтказиб келмоқда. Россия Сурия ҳукуматига террорчилик гуруҳларига қарши курашида кўмак бермоқда. Авиагуруҳ таркибига 50 дан ортиқ самолёт ва вертолёт, жумладан Су-24М, Су-30СМ, Су-25 ва Су-34 ҳарбий самолётлари киради. Россияга ҳарбий кўмак бериш илтимоси билан Сурия президенти Башар Асад мурожаат қилган.