Volkswagen автоконцернида АҚШ Атроф-муҳитни муҳофаза қилиш агентлиги (EPA) тадқиқотининг чоп этилган натижаларига жавоб берилди. EPA маълумотларига кўра, Volkswagen компанияси V6 (олти цилиндрли) турбодизель двигателларига эга автомобиллар учун зарарли чиқиндилар бўйича натижаларни камайтириб кўрсатган, деб хабар бермоқда Reuters ахборот агентлиги.

Компанияда маълум қилинишича, 3 литрли дизель двигателларга “чиқиндилар кўрсаткичини ноқонуний йўл билан ўзгартира оладиган” ҳеч қандай дастурий таъминот ўрнатилмаган.

Бундай двигателлар концерннинг турли брендларининг қимматбаҳо автомобиллари, жумладан 2014-2016 модель йилларининг VW Touareg, Porsche Cayenne, Audi A6, A7, A8 ва Q5 машиналарида ишлатилган.

Таъкидланишича, шундай маълумотлар 4 цилиндрли двигателлар бўйича тергов ўтказилган вақтда компания томонидан берилган.

Аввалроқ EPA Volkswagen’нинг Audi ва Porsche автомобиллари синовлар натижаларини қалбакилаштиришини фош қилган эди.