Адабиётшунос давлат тилини менсимаганларни жаримага тортишни таклиф қилди

Жамият 04 Ноябрь 2015 1900

Ўзбекистонлик адабиётшунос олим Зуҳриддин Исомиддинов “Оила даврасида” газетасида чоп этилган интервьюсида турли соҳа вакиллари томонидан тил масаласида йўлланган саволларга жавоб берди.
Авваламбор, у фильмлар ва сериалларда Тошкент шевасида гапирилишини танқид остига олинди.

“Воқеа Қарши ё Қўқонда кечади, аммо кинода ўша ерлик деб тақдим этилаётган одамларнинг деярли ҳаммаси, ҳатто бошига лачак ўраб олган “чет бир қишлоқдаги кампир” ҳам Тошкент шевасини қийиб ташлайди, - таъкидлади мутахассис. – “мен” деб, “катта” деб тили чиққан актёрлар ҳам шаҳар ҳавоси туфайли “манман”сирайдиган, “котта” кетадиган бўлиб қолди”, - деди у.

Шу билан бирга, мутахассис журналистика тилининг ортиқ даражада расмийлашиб кетгани, халқ тилидан узоқлашиб кетаётганини танқид остига олди.
“Бунақа хато, ғализ, сохта ифодалар, қовушмаган иборалар урчиб боряпти. Ҳолбуки, ахборотнинг тили ва услуби қанча лўнда, ўзбекона бўлса, ундаги фикр ва ғоялар ҳам одамга шунча осон сингади”, - таъкидлади Исомиддинов.

Шунингдек, у давлат тилини менсимаганларни жавобгарликка тортиш лозимлигини айтиб ўтди: “Мен шундай ўйлайман: “давлат тилини менсимаслик” деб топилган ҳар бир ҳодисага, кодексда белгиланганидек, энг кам ойлик иш ҳақининг 1-2 бараваригача жарима солинса борми, хазиналар тўлиб кетар эди. Кейин эса давлат тилини менсимайдиган одам топилмай ҳам қоларди. Лоақал шу жарима ҳам солинмаяпти-да!”.
“Она тилимиз давлат тили мақомига эришганига чорак асрдан ошди. Энг асл, чин ўзбекча ифодаларни излаб топишимиз керак. Уларни энди қўлламасак, қачон қўллаймиз?”, - хулоса қилди адабиётшунос.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 24253 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 53103 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 64654 Жамият
Россия ТИВ раҳбари БАА, Кувайт ва Қатар етакчилари билан Форс кўрфази инқирозини муҳокама қилади
13:47 17 Жаҳон
Икки вилоятда ҳокимнинг туризм бўйича ўринбосарлари тайинланди
13:26 830 Жаҳон
Тошкентда «Мутахассислик ва илмий тадқиқот маркази» тузилади
Туркияда автобус иштирокида ЙТҲ юз берди, беш киши ҳалок бўлган
13:19 571 Жаҳон
Деҳлида Ҳиндистон савдо ва саноат давлат вазири билан учрашув бўлиб ўтди
Мбаппе яқин вақт ичида «ПСЖ» аъзосига айланади
12:56 1551 Спорт
Учтепа туманида қасддан баданга оғир шикаст етказиш жинояти фош этилди
12:49 1662 Жамият
Кўпроқ янгиликлар