Матье Вальбуэнага тама қилишдан гумон қилиниб, қамоққа олинган Карим Бенземанинг адвокати Сильвен Кормье ўз мижози бўйича нотўғри шубҳага боришаётгани ҳақида айтиб ўтди.

"Карим бу ишга заррача ҳам алоқадор эмас. У ўзи тушиб қолган бу вазиятдан чиқишни кутмоқда. У терговчиларнинг барча саволларига жавоб қайтаради", дейди адвокат Le Parisien нашрига.

Эслатиб ўтамиз, айни вақтда жароҳатини даволаш билан банд бўлиб турган, Франция терма жамоаси ва "Реал" жамоаси ҳужумчиси Карим Бензема бугун Версалда ўзининг терма жамоадоши Матье Вальбуэнага таҳдид қилганликда гумон қилиниб, ҳибсга олинганди.

Ҳуқуқ-тартибот ходимлари Бенземани Вальбуэнадан унинг интим видеоларини ошкор этмаслик учун пул талаб қилганларга уларнинг талабини бажаришни маслаҳат берганликда гумон қилишган.

Бироз олдинроқ, франциялик бошқа футболчи, Жибриль Сиссе шу иш бўйича гумондор сифатида қўлга олинганди. Сиссенинг айби йўқлиги исботлангач, 13 октябрь куни озодликка чиқарилган.