Финляндияда олти мамлакат олимлари саъй-ҳаракатлари натижасида кекса кишилар учун мобиль навигатор ишлаб чиқилди. Бу ҳақда Финляндия технология тадқиқотлари маркази VTT хабар бермоқда.

Компьютерда ҳам, мобиль телефонда ҳам бир хил ишлайдиган ушбу илова кекса кишиларнинг жамоатчилик транспортларида эркин ҳаракат қилишлари учун ишлаб чиқилган. Унинг қулайлик тарафи шундаки, у фойдаланувчига ўзи қатнайдиган йўналишдаги транспорт воситаси ҳақида батафсил маълумот беради. Унинг қачон келиши ҳақида хабардор этиб туради. Ушбу йўналишда қатновчи автобуслар жадвалини эслатиб туради.

Технология Хельсинки, Вена ва Сан-Себастьянда муваффақиятли синовдан ўтди. У қай режа асосида ихтиро қилинган бўлса, шу аснода ишлади. Бундан ташқари, қурилма илк марта учратиладиган ва нотаниш йўналишдаги транспортлар учун ҳам қулай келди.
Ушбу хизмат 2017 йилда ишга туширилиши кутилмоқда. Ҳозирча эса VTT ўз кашфиётини бозорга чиқариш мақсадида ҳомий қидирмоқда.