Жанубий Судан ҳудудида қулаган Ан-12 самолёти бортида 17 нафар одам бўлган. Уларнинг 15 нафари ҳалок бўлган, дейди мамлакат хаборот вазирлиги вакили Пол Жейкоб Кумбо.

«Бизда ҳали аниқ ахборот йўқ, аммо бизга маълум бўлгани самолёт Палочга кетаётганда қулаб тушган. Бу юк ташувчи самолёт бўлган. Унинг бортида 17 нафар одам бўлган, шулардан 15 нафари ҳалок бўлган. Қолган иккиси, жумладан ёш бола ҳам тирик қолган. Қулашга нима сабаб бўлгани ҳали номаълум», — деди у.

Олдинроқ, Жанубий Судандаги самолёт қулашига техник муаммо сабаб бўлиши мумкинлиги хабар қилинганди.

Охирги маълумотларга кўра, самолёт бортида беш нафар россиялик экипаж аъзолари бўлишган.