Жорий йилнинг 9 ойи мобайнида Ўзбекистонда қишлоқ хўжалиги маҳсулотлари қиш мавсумига ғамлаш кўрсаткичлари ўтган йилнинг шу даврига нисбатан 6.6 фоизга ўсди. Бу ҳақда қишлоқ ва сув хўжалиги вазирлиги хабар қилди.

Бундан ташқари, 2015-2016 йилги қиш мавсуми учун 700 минг тонна мева-сабзавот маҳсулотлари ҳозирлаш режалаштирилгани айтилди. Шу мақсадда 800 минг тонна сиғимга эга база тайёрланган бўлиб, барча тайёрлов ва савдо ширкатлари, хизмат кўрсатиш нуқталари, фермер хўжаликлари, агрофирмалари ҳамда аҳоли вакиллари билан барча тегишли шартномалар имзоланди.