Қашқадарёда она ва унинг 17 ёшли ўғли ўлдириб кетилди. Бу ҳақда “Ҳуқуқ” нашри ёзмоқда.

Қарши туманининг Узуннаво қишлоғида истиқомат қилувчи А. Саипов ишлаш учун Тошкентга кетган, уйда унинг рафиқаси Шоҳиста Исмоилова ва 17 яшар ўғли Ҳумоюн Эркиновлар қолган эди. Тунда содир этилган босқинчилик оқибатида уларнинг ҳар иккаласи ваҳшийлик билан ўлдирилиб, уйдан моддий қимматликлар олиб чиқиб кетилди. Аёлга тегишли Lacetti русумли автомашина юкхонасидан 9.41 млн сўм пул ўғирлаб кетилди.
Олиб борилган суриштирув ишлари натижасида қотилликни Ислом Ҳамидов ва Ойбек Баҳромовлар амалга оширгани аниқланди. Маълум бўлишича, Ҳамидов Исмоиловадан қарздор бўлиб қолган ҳамда бу қарздорликни узиш имкониятини топа олмай, қотилликка қўл урган.

Суд қарори билан Ислом Ҳамидов 20 йилга, Ойбек Баҳромов 19 йилга қамалдилар.