Россия ҳуқуқ-тартибот муассасалари ходимлари Суриядаги жангари гуруҳлар таркибида бўлиб, уруш ҳаракатларида қатнашиб келгани гумон қилинадиган шахсларни қамоққа олиш ҳаракатларини бошлади. Бу ҳақда РИА Новости нашри хабар қилган.

Миллат ишлари бўйича Россия федерал агентлиги раҳбари Игорь Бариновнинг маълум қилишича, Шимолий Кавказда, Доғистон, Чеченистон ва Ингушетия республикаларида кўп миқдорда собиқ жангарилар пайдо бўлгани тахмин қилинмоқда.

"Улар индамайгина кириб келишмоқда. Уларни қўлга олиш ишлари бошланди. Муаммо шундаки, Суриядан ким қочқин сифатида, ким бошқа мақсадда келаётганини аниқлаш қийин", дейди Баринов.

У оммавий равишда ҳибсга олишлар бўлмаслигини қайд этиб ўтган.