Тошкентга илк марта инглиз театри жамоаси ташриф буюрди

Маданият 04 Ноябрь 2015 2479

Бугун, 4 ноябрь куни Ўзбекистонга Буюк Британиянинг Уильям Шекспир номидаги "Глобус” театри жамоаси ижодий ташриф билан келди. Ташрифнинг илк кунида, соат 14:00да театр жамоаси Тошкент шаҳридаги Ўзбек Миллик академик театрида (Собиқ Ҳамза театри) Шекспирнинг "Гамлет" асарини намойиш қилишди.

Мазкур ижодий сафар Ўзбекистон Республикаси Маданият ва спорт ишлари вазирлиги, Британия Кенгашининг Ўзбекистондаги ваколатхонаси ҳамда "Ўзбектеатр” ижодий-ишлаб чиқариш бирлашмаси томонидан ташкил этилди.

Инглиз тилида намойиш этилган ушбу спектаклни томоша қилиш учун Ўзбекистон жамоатчилигининг турли соҳалари вакиллари, сиёсатчилару қўшиқчилар, фан ва жамоат арбоблари ҳамда маданият олами вакиллари келишган.

Спектаклнинг кечки сеансига (соат 19:00) Буюк Британиянинг Ўзбекистондаги элчиси Кристофер Алан ҳам ташриф буюрган ва ўзбек тилида нутқ сўзлаган.

Маълумот учун, бу ташриф театрнинг бутун дунё бўйлаб амалга ошираётган сафари доирасида бўлиб ўтмоқда. Театр жамоаси шу вақтгача 180дан ортиқ мамлакатда бўлишга улгурган.

Кун.уз сайти мухбири театр ҳудудида бўлди ва журналистлар қаторида театр вакиллари билан гаплашди.

Маълум қилинишича, 1938 йилда ўша вақтда Ҳамза номи билан аталган театрда Ўзбекистонда илк бор "Гамлет" спектакли саҳналаштирилган. Олим Хўжаев бошчилигидаги театр жамоаси ўз вақтида Буюк Британияга бориб, "Гамлет" спектаклини ўзбек тилида намойиш этган ва инглиз театри билан ўзаро алоқалар йўлга қўйилган. "Гамлет" образини жонлантирган ўзбекистонлик актёрлар орасида Тоҳир Саидов ҳам бор бўлиб, у бугунги тадбирларда иштирок этган ва англиялик ҳамкасблари билан гаплашиб, эсдалик учун суратга тушган.

Инглиз театри 5-6 ноябрь кунларида ҳам Ўзбекистонда қолади. Бу кунларда театр санъатида янги лойиҳалар халқаро форуми ўтказилади. Ушбу форумга барча театр мутахассислари ва ижодкорлари жалб этилган бўлиб, ундан кўзланган мақсад келажакда Британия ва Ўзбекистон маданий алоқаларини янги поғоналарга кўтариш ҳисобланади.

Маълумот учун, Британиянинг Уильям Шекспир номидаги "Глобус” театри тарихий маданий обидалар сирасига кирувчи бинога эга бўлиб, шу ном билан аталувчи Лондон шаҳридаги муҳташам театрдир. Илк бора "Глобус” театри 1599 йилда Темза дарёсининг жанубий қирғоғида Шекспир бошчилигидаги труппа маблағига қурилган бўлиб, ҳозирги кунга қадар уч маротаба қайта қурилиб, реконструкция қилинган.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 20697 Жаҳон
Кун.uz офис изламоқда
15:48 / 06.08.2017 38036 Lifestyle
Зидан: Бизни оғир мавсум кутиб турибди, яна «Барса» билан рақобат
09:00 2 Спорт
НАТО шаҳарларда ҳарбий амалиётларни ўтказиш концепциясини ишлаб чиқмоқчи
08:59 18 Жаҳон
Гватемалада жиноятчиларнинг шифохонага ҳужум қилиши оқибатида 7 киши ҳалок бўлди
08:51 77 Жаҳон
Саудия Арабистонида ҳукмрон оиладан бўлган яна бир шаҳзода вафот этди
08:46 892 Жаҳон
Германияда уруш давридаги бомба туфайли 10 мингдан ортиқ киши эвакуация қилинди
08:32 641 Жаҳон
Вальверде: «Реал» ҳам барибир мағлуб бўлади
08:31 1 Спорт
Венесуэладаги турмада юз берган тўқнашувлар оқибатида кўплаб маҳбуслар ҳалок бўлди
08:25 755 Жаҳон
Саудия Арабистони ҳаж вақтига зиёратчилар учун Қатар билан чегарасини очади 
08:16 990 Жаҳон
Кўпроқ янгиликлар