АҚШ Давлат департаментида АҚШнинг Яқин Шарқдаги авиазарбаларга сарфланадиган бир кунлик харажати 8 млн долларни ташкил қилиши, Россия эса Сурияда шу мақсадларда ҳар куни 2-4 млн доллар ишлатиши айтилди.

“Гап Россиянинг кунига 2-4 млн доллар, балки ундан кўпроқ сарфлаши ҳақида бормоқда”, деб айтди АҚШ Давлат котибининг Европа ва Евроосиё ишлари бўйича ёрдамчиси Виктория Нуланд Россиянинг Суриядаги харажатлари ҳақида.

Бу орада АҚШ Давлат котибининг Яқин Шарқ ишлари бўйича маслаҳатчиси Энн Паттерсон АҚШ авиазарбаларга кунига “8 млн доллардан сарфлашини” айтди.

Паттерсон “Сумма кўпроқ бўлса, унда нима учун АҚШ Сурияга Россиядан камроқ авиазарба бермоқда?” деган саволга “Бу суммага Ироқдаги авиазарбалар ҳам киради” деб айтди.

“Ва биз руслар эмасмиз, бизда бошқа стандартлар”, деб шу саволга қўшимча қилиб ўтди Паттерсон.