Сурияда ҳокимият тепасида президент Башар Асад бор экан, мамлакат ҳудудидаги ИШИД террорчилик гуруҳини йўқ қилиб бўлмайди, деб ҳисобламоқда АҚШ. Бу ҳақда АҚШ Конгресси қуйи палатасининг ташқи ишлар қўмитасида АҚШ давлат котибининг Яқин Шарқ масаласида ёрдамчиси Энн Паттерсон айтиб ўтган.

Йиғилишда Паттерсоннинг саволларга берган жавобларидан шу нарса аён бўлдики, айни дамда АҚШ учун ИШИД ва “Асад” сўзлари икки хил маъно англатмайди. Улар мамлакат учун бир хил аҳамиятга молик тушунчалардир. Вашингтоннинг ҳисоблашича, Асад режими барқарор бўлиб турган бир пайтда мамлакатдаги ИШИДни йўқ қилиб бўлмайди. Сурия мухолифати билан эса қайсидир маънода бу ишни балки уддалаш “мумкин бўлар”.

Паттерсон, шунингдек, АҚШ Россия ва Эрон Дамашқни қўллаб-қувватлашларига қарши ўлароқ уларга қарши босим ўтказишга ҳаракат қилаётганини ҳам алоҳида таъкидлади. Шу боис вазиятдан келиб чиқилса, Суриядаги амалдаги тузум мамлакатдаги экстремистларнинг ўзларига янги ҳамкор топишларига ёрдам беради, деб қўшимча қилган сиёсатчи.