Синай ярим оролида ҳалокатга учраган Airbus A321 авиалайнери бортида портловчи ускуна бўлгани ҳақидаги версия махсус хизматлар томонидан ИШИД суҳбатлари махфий тингланганидан сўнг илгари сурилди. Бу ҳақда Associated Press агентлиги ёзмоқда.

Илгарироқ АҚШ разведкасининг бу борадаги хулосалари CNN телеканали орқали ошкор қилинган эди. Ўз навбатида, Россия транспорт вазирлиги самолётнинг террорчилар учирган ракетадан зарарланиб қулагани ҳақидаги тахминларни инкор қилди.