Ўзбекистон Республикаси Бош прокурорининг 2015 йил 31 октябридаги буйруғи билан Ботир Бахромович Кудратходжаев Сурхондарё вилоят прокурори лавозимига тайинланди. Бу ҳақда “Ҳуқуқ” газетаси хабар берди.

Б. Кудратходжаев 1975 йилда Тошкент шаҳрида туғилган. 1997 йилда Тошкент Давлат юридик институтини тамомлаган. У фаолиятини ўша йили Ҳарбий прокуратура кадрлар бўлими иш юритувчиси вазифасидан бошлаб, 2000 йилдан Фарғона ҳарбий прокуратураси терговчи-криминалисти, 2001 йилдан Тошкент ҳарбий округ ҳарбий прокуратураси катта терговчиси, бўлим ҳарбий прокурори лавозимида меҳнат қилди.
2003 йилдан Ўзбекистон Ҳарбий прокурорининг кадрлар бўйича ёрдамчиси, 2004 йилдан Фарғона ҳарбий прокурорининг ўринбосари ва 2006 йилдан Ўзбекистон Ҳарбий прокурорининг катта ёрдамчиси лавозимларида фаолият олиб борди.

2010-2012 йилларда Шарқий ҳарбий округ ҳарбий прокурори, 2012-2014 йилларда Ўзбекистон Республика Ҳарбий прокурорининг биринчи ўринбосари лавозимида ишлаган.
2014 йилдан шу пайтгача Сурхондарё вилоят прокурори вазифасини бажарувчи лавозимида фаолият олиб борган.