4 ноябрь куни Донецкнинг "Шахтёр" клубининг хорватиялик легионери Дарио Срна УЕФАнинг "А" тоифали мураббийлик дипломига эга бўлди. 

Имтиҳонлар октябрь ойининг охирларида топширилган эди, бироқ "Шахтёр" футболчиси Вячеслав Шевчук ва Дарио Срна расмий ўйинлар билан банд бўлгани туфайли дипломни энди қабул қилиб олишди.

"Шахтёр" жамоасининг 33 ёшли сардори "кончилар" сафига 2003 йилда келиб қўшилганди.

У шу вақтгача клуб сафида 470та ўйин ўтказган ва 46та гол урган.

Бироз олдинроқ, Срна Евро-2016 турниридан кейин Хорватия терма жамоасидан кетиши ҳақида маълум қилганди.

Эслатиб ўтамиз, бироз аввалроқ ўзбекистонлик Максим Шацких ҳам мураббийлик дипломига эга бўлган эди.