Ўзбекистон Мудофаа вазирлиги госпиталидан Тошкент Лак-бўёқ заводигача бўлган йўл коммунал хизматлари олиб бораётган таъмирлаш ишлари сабабли ҳайдовчилар учун хавфли бўлиб қолди, деб ёзмоқда 12news.uz интернет нашри. Ушбу қисмда бир неча кун ичида бешта енгил машина аварияга учради.

Ижтимоий тармоқлар фойдаланувчиларининг ёзишича, собиқ Грузия элчихонаси биноси рўпарасида чуқурлиги тахминан 8-10 метр бўлган 6х20 ҳажмли ўра кавланган.
“Ҳайдовчиларни огоҳлантирувчи ҳеч қандай белги қўйилмаган! Бу ўрага қулаб тушмаслик учун бетон тўсиқларга бориб урилган бешинчи машина!

Зарба шунчалик кучлики, бетоннинг бир бўлаги учиб кетган, кейин эса дарахтга урилган! Йўловчи қаттиқ жароҳат олган, уни оғир ҳолда шифохонага олиб кетишди... Бугун “Волга” куппа-кундуз куни, ёмғир ёғмаётган вақтда ўрага қулаб тушган эди...”, деб ёзди фойдаланувчилардан бири.