АҚШнинг хориждаги таъсири у оккупация қилган мамлакатлар ёки учирилган ракеталар сонига боғлиқ эмас. Бу ҳақда мамлакат президенти Барак Обама Демократик партия учун маблағ тўплаш тадбиридаги иштироки чоғида айтиб ўтди.

“Халқаро саҳнадаги қудратимиз биз қанча мамлакатни оккупация қилганимиз ёки нечта ракета учирганимиз билан ўлчанмайди”, - деди у.
Обаманинг фикрича, биринчи даражали нарса бу дипломатия кучи ҳамда инсон ҳуқуқлари ҳимоясига бўлган садоқатдир.

“Биз бошқа давлатлар билан террорчилик ва иқлим ўзгариши сингари масалаларда ҳамкорлик қилишимиз лозим”, - қўшимча қилди Обама.