Шу йилнинг сентябрь ойи бошида Қозоғистоннинг Олмаота шаҳрида ўз фарзандлари – 8 ва 1,5 ёшли икки қизини 5-қаватдан пастга улоқтирган аёлда шизофрения хасталиги қайд этилиб, у руҳий касалликлар шифохонасига жўнатиладиган бўлган. Бу ҳақда Бўстондиқ тумани прокурори ўринбосари Азамат Салиҳов маълум қилган.

"Айни вақтда ушбу аёлни махсус тиббий муассасага ўтказиш учун ҳужжатлар тайёрланмоқда. Суд-психиатрия экспертизаси унда шизофрения хасталигини қайд этишган", дейди Салиҳов.

Салиҳовнинг айтишича, суд аёлнинг руҳий беморлигини ҳисобга олади.

Эслатиб ўтамиз, шу йилнинг 5 сентябрь кунида Қозоғистоннинг жанубий пойтахтида даҳшатли воқеа содир бўлган, ушбу аёл ўзи яшаётган уйнинг 5-қаватдаги балконидан ўз қизларини пастга улоқтирган, унинг катта қизи (8 ёшли) воқеа жойида ҳалок бўлган, кичиги (1,5 ёшли) омон қолган ва кейинчалик отаси қарамоғига топширилган.