Шу йилнинг кузида Ўзбекистонда қўлга олинган бир гуруҳ эктремистлар қирғизистонлик шерикларидан кўрсатма олиб тургани маълум бўлди. Бу ҳақда 12news.uz ресурси ҳуқуқ-тартибот органлари вакилларига таянган ҳолда хабар бермоқда.

Эслатиб ўтамиз, сентябрь ойида Тошкент шаҳрида ноқонуний фаолиятда гумон қилинган бир гуруҳ салафийлар қўлга олинган эди.

“Гуруҳ аъзолари ҳарбий ҳаракатларда иштирок этиш мақсадида араб давлатларига “ҳижрат” қилишни режалаштиришган, - дейилади хабарномада. – Бунинг учун улар Суриянинг “Жаннат ошиқлари” террорчи ҳаракати билан алоқалар ўрнатган. Бундан ташқари, салафийлар “Ҳизб ут-Таҳрир” экстремистик гуруҳи билан алоқага чиққан”.
Алоқани Абдулазиз Раҳимов исмли шахс таъминлаб берган. Унинг кўмагида икки радикал гуруҳ ўртасида доимий алоқа ўрнатилган, учрашувлар ўтказилган, уларда Ўзбекистонда “халифалик” тузишга чақириқлар янграган.

А. Раҳимовнинг тан олишича, асосий кўрсатмалар гуруҳга қирғизистонлик “биродар”лардан келган.
“Бунинг учун улар замонавий ахборот-коммуникацион технологиялардан, шу жумладан, интернет тармоғидан фойдаланган”, - таъкидлади порталнинг суҳбатдоши.