Украина президенти Пётр Порошенко миллий полициянинг янги раҳбари Хатия Деканоидзе билан учрашди. Бу ҳақда президент мабуот хизмати хабар қилди.

“Президент Пётр Порошенко Миллий полициянинг янги раҳбари Деканоидзе билан учрашди. Давлат раҳбарининг қайд этишича, полиция бошлиғи зиммасида муҳим вазифа – янги миллий полицияни барпо этиш юклатилган. Украинада Грузия тажрибаси фавқулодда фойдали бўлади ва америкалик шериклар билан ҳамкорлик қилинади”, — дейилади хабарда.

Порошенконинг сўзларига кўра, жуда қисқа вақт ичида милицияни полцияга айлантириш талаб этилади. Қайд этилишича, янги полиция тузилмасига патрул хизмати ҳам киради.
Аввалроқ Украина ҳукумати Грузиянинг собиқ таълим вазири Хатия Деканоидзени миллий полиция раҳбари лавозимига номзод сифатида тасдиқлагани хабар қилинган эди. Ушбу лавозимга тайинланганига қадар эса Деканоидзе Украина ИИВ маслаҳатчиси вазифасида фаолият кўрсатган.