WBA талқини бўйича биринчи оғир вазнда жаҳон чемпиони россиялик боксчи Денис Лебедев Қозонда бўлиб ўтган бокс мусобақасида нигериялик Латиф Кайодени мағлуб этиб, ўз унвонини ҳимоя қилди. Россиялик боксчи ўз рақибини 8-раундда рингга қулатди.

36 ёшли россиялик боксчининг умумий ҳисобида 28 та ғалаба (20 таси нокаут билан) ва битта мағлубият бор. Унинг иштирокидаги бир жанг бўлиб ўтмаган деб топилган. 32 ёшли нигериялик чарм қўлқоп устаси ўз фаолиятида 21 та ғалабали сериядан кейин ўзининг биринчи мағлубиятига учради.

Шунингдек, ушбу мусобақада россиялик Раҳим Чахкиев британиялик Оле Афолабига, Дмитрий Кудряшов нигериялик Оланреваджу Дуродолега мағлуб бўлди. Яна бир россиялик спортчи Эдуард Трояновский аргентиналик рақиби Сезара Рене Куэнкоуни “ер тишлатди”.
Ушбу мусобақадан ўрин олган бош жангда россиялик таниқли боксчи Александр Поветкин польяк Мариуш Вахни 12-раундда техник нокаут билан ютди ва АҚШлик жаҳон чемпиони Деонтей Уайлдер билан чемпионлик жанги ўтказиш ҳуқуқини тасдиқлади.