АҚШнинг Демократлар партияси етакчилари президент Барак Обаманинг ИШИДга қарши курашиш учун Сурияга қўшин юбориш ҳақидаги қароридан норози, деб ёзади The Wall Street Journal газетаси.

Республикачилар бу ташаббусни керагидан кичикроқ миқёсда деб ҳисоблаётган бўлса, демократлар ҳаттоки 50 нафар жангчи ҳам кўплик қилишини эътироф этмоқда.
“Президент Сурияда ҳеч қандай ер усти операциялари бўлмаслигини уқтирганидан сўнг хавотирга тушмаслик мумкин эмас, энди эса қўшинларимиз ҳам у ерга йўлланмоқда”, - деди Коннектикут шатати сенатори Крис Мёрфи.

Шу билан бирга, Оқ Уй қўшинлар жанг қилиш эмас, балки Сурия мухолифатига маслаҳатлар бериш учун йўлланганини таъкидламоқда. Аммо демократлар амалиёт ва назария ўртасидаги чегара арзимас сабаб билан бузилиш эҳтимоли борлигидан хавотирда.