Рақамли хавфсизлик билан шуғулланувчи Lookout компанияси тадқиқотчилари ўз блогида Android операцион тизимида “format”(смартфонни дастлабки ҳолатига келтириш)дан сўнг ҳам кетмайдиган троян вируси пайдо бўлгани ҳақида маълум қилди.

Ушбу вирус норасмий Android иловалари дўконларидаги иловалар орқали ўтмоқда. Вирус илова асосан ижтимоий тармоқ иловалари кўринишида ниқобланиб, одатдаги илова кўринишида ишлашни давом этади. Ушбу троян билан зарарланган смартфонда турли рекламалар чиқа бошлайди ҳамда унинг ҳимоя тизими ишдан чиқади. Бунинг натижасида пароль ва бошқа шахсий маълумотлар ҳимоясиз қолади.

Ҳозирда зарарланган иловалар учта Shedun, Shuanet ва ShiftyBug гуруҳларга бўлинган ва уларнинг сони 20 мингга яқинлашган. Бироқ Google Play дўконида бу иловаларнинг ҳеч бири аниқланмаган.