Бензема «Реал»га қайтиб, машғулот ўтади ва Перес билан учрашди

Спорт 06 Ноябрь 2015 1911

Мадриднинг «Реал» клуби ҳужумчиси Карим Бензема кеча, 5 ноябрь куни жамоа ихтиёрига қайтиб келди ва индивидуал тарзда машғулот ўтади.

Эслатиб ўтамиз, ҳужумчи чоршанба куни Франция полицияси томонидан ушланган ва бир кун тергов берган эди.

Мадридликлар Бензема машғулотда иштирок этганини расман тасдиқлашди.

"Реал" клуби президенти Флорентино Перес футболчи билан учрашган ва уни тўлиқ қўллаб-қувватлашини билдирган. Президент Бенземанинг ҳаракатларида ҳеч қандай жиноят аломати бўлмаганига ишонишини айтган.

"Клуб футболчининг профессионаллигини қадрлайди ва у жамоадошлари билан ҳар доим яхши муносабатда бўлганини тасдиқлайди. Бензема олти йил давомида буни намойиш этиб келган ва жамоанинг етакчи футболчиларидан бири бўлган", - дейилади клуб баёнотида.

Бензема "Лион" жамоаси ярим ҳимоячиси Матье Вальбуэнага қарши товламачилик қилишда айбланмоқда. Жиноятчилар гуруҳи Вальбуэнага обрўйини туширадиган видеолавҳа борлигини билдиришган ва маълум маблағни олишмаса, уни оммага маълум қилишларини айтишганди. Ушбу гуруҳда Карим Бензема ҳам бўлгани айтилмоқда.

Шу вақтга қадар суд Бенземага айбланувчи ёки гувоҳ мақомини беришда аниқлик кирита олмай турган эди. Аммо футболчининг ўзи терговда Вальбуэнага жиноятчилар сўраган маблағни беришни маслаҳат қилганига иқрор бўлгач, Бенземага айблов билдирилди. Энди фақат Вальбуэнанинг ўзи Бенземани оқлай олиши мумкин. Бугун Вальбуэна ижтимоий тармоқдаги саҳифасида суратини янгилади ва Бензема билан бирга тушган суратини жойлаштирди. Демак футболчи терма жамоадаги ҳамкорини оқлашга ёрдам беради.

Футболчи айбдор деб топилган тақдирда унга энг оғир жазо сифатида беш йиллик озодликдан маҳрум этилиш жазоси қўйилиши мумкин.

Қайд этиш керакки, терговчилар Бенземани ноқонуний гиёҳванд моддалар савдосига аралашганликда ҳам гумон қилиб, текширув ўтказишмоқда.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 50741 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 66695 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 35628 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 20424 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 77540 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 60923 Жамият
Ўзбекистонда энергия тежовчи миллий компания компания тузилди
Таиландга қизларни юбориш билан шуғулланган самарқандлик “одамфуруш” аёл ушланди 
Ҳукумат ўқитувчи ва шифокорларни пахта теримига жалб этишни тақиқлади
103 ёшли камбожалик аёл АҚШ фуқаролигини қабул қилди
20:25 508 Жаҳон
Кўпроқ янгиликлар