Франциянинг Charlie Hebdo журнали бош муҳаррири Жерар Биар Синайда ҳалокатга учраган А321 авиалайнери мавзусидаги карикатуралар нега танқидга учраганини тушунмаслигини баён этди. Унинг сўзларига қараганда, расмлар фожианинг устидан кулишга йўналтирилмаган эди.

Эслатиб ўтамиз, журнал саҳифаларидан ўрин олган бу икки карикатура Кремль расмийлари томонидан кескин танқид остига олиниб, “ҳақорат” сифатида баҳоланди.

“Ҳақорат, шаккоклик тушунчалари биз учун ҳеч қандай аҳамиятга эга эмас. Биз бошқа барча нашрлар сингари янгиликларни шарҳлаймиз”, - деди у RFI радиоси эфирида.
Биарнинг таъкидлашича, журнал “дунёвий, демократик ва атеистик” нашрдир.