Қозоғистондаги молиявий вазият янада ёмонлашиб, миллий валютанинг долларга нисбатан курси кўтарилишда давом этиши мумкин. Экспертлар яқин орада 1 доллар 400 тангага кўтарилишини кутмоқда. Бу ҳақда иқтисодчи Мақсат Серали айтиб ўтди.

“Доллар ўсишига келсак, ўсишнинг ҳам маълум чегараси бор, - деди у AlmatyNews портали билан суҳбатда. – Агар Миллий банк тангани қўллаб-қувватлашга пул ажратаётган бўлса, бу биз ўша чегарага етиб бормадик ва доллар ўсишда давом этади дегани”.

“Долларнинг бозор қиймати 300 тангадан ошиқ, бу шубҳасиз, - сўзида давом этди мутахассис. – Шу боис доллар 300дан ошиб кетиши башорат қилинмоқда. Қабул қилса бўладиган нарх коридори – 360-400 танга. Бошқа масала шундаки, 380-400 тангалик курсни ушлаб турса бўладими? Ва қанча муддат? Бир йилми? Икки йилми? Афсуски, бу саволларга ҳозирча жавоб йўқ, негаки биз халқаро иқтисодий вазиятни ва нефть нархини бошқара олмаймиз”.