Озарбайжон юз йил давомида қўшни давлатлар ва Европа давлатларини газ билан таъминлай олиши мумкин. Бу ҳақда журналистларга Озарбайжон президенти Илҳом Алиев ўзининг грузиялик ҳамкасби Георгий Маргвелашвили билан учрашувидан сўнг айтди.

“Озарбайжонда жуда катта газ захиралари мавжуд, биз юз йил давомида ички бозор ҳамда қўшни ва Европа давлатлари эҳтиёжларини таъминлай олишга қодирмиз”, деб айтди Алиев. Алиев “2018 йилдан озарбойжон гази Туркияга, 2020 йилдан эса Европа бозорига етказила бошланишига” умид билдирди.