Индонезия пойтахти Жакарта шаҳри аэропортига Batik Air авиакомпаниясига тегишли, 6380 рейсини амалга ошираётган Boeing 737 русумли йўловчи самолёти хавфли қўнишни амалга оширди. Самолёт аэропортнинг учиш-қўниш йўлагидан ташқарига қўна олган. Бу ҳақда JakartaGlobe нашри хабар тарқатган.

Хабарда айтилишича, самолётда 160 нафар йўловчи ва экипажнинг 7 нафар аъзоси бўлган.

Бу самолёт Ява оролидаги Жокьякарта шаҳридан парвоз қилганди.

Ҳодиса натижасида жароҳат олганлар йўқ. Барча йўловчилар дарҳол аэропорт терминалига ўтказилган.

Қайд этилишича, қўниш вақтида самолётнинг бурун қисми шикастланган.