Европа Лигаси доирасида 5 ноябрь куни Истанбулда бўлиб ўтган «Бешиктош» ва «Локомотив» жамоалари ўртасидаги учрашувда томошабинлар хавфсизлик даражаси УЕФА нормаларига тўғри келмайди. Бу ҳақда Москванинг «Локомотив» клуби баёнотида ёзиб қолдирилган.

«Фикримизча, Истанбулдаги ўйин томошабинлар хавфсизлиги даражаси бўйича УЕФА талабларига умуман жавоб бермайди. Худди шундай шикоят «Локомотив» ФК клуби делегацияси томонидан ҳам билдирилган», – дейилади клуб расмий сайтида берилган хабарда.

Баёнотда ёзилишича, жамоа мухлислар учрашув давомида, шунингдек, учрашувдан олдин ва кейин кўча-кўйда бир неча маротаба туркиялик мухлисларнинг ҳужумларига учраган.

«Истанбулга ташриф давомида мухлисларимизга совуқ қуроллар билан ҳужум қилишди. Очиқчасига провакациялар уюштирилди. Ўйин вақтида эса меҳмонлар сектори томон турли металл буюмлар улоқтирилди. Аммо ташкилотчилар томонидан ўз вақтида бунга чора кўрилмади», - деб ёзилади баёнотда.

Шунингдек, клуб берган маълумотга кўра, маҳаллий полиция ходимлари ҳам уларга ўта қўпол муомалада бўлган, ўйин вақтида трибунадаги меҳмон жамоа мухлисларига полиция таёқлари орқали куч ишлатилган.

Ҳозирда жамоа мазкур масалада чора кўриш учун УЕФАга фактлар туширилган шикоятни жўнатишни режалаштирмоқда.