ОАВ: АҚШ ҳар бир суриялик жангчини тайёрлашга 2 млн доллар сарфлади

Жаҳон 06 Ноябрь 2015 9799

Пентагон Сурия мухолифат кучлари учун ҳарбий гуруҳлар тайёрлашга 384 млн доллар сарфлашга улгурди. Аммо ҳозирликка келиб бу ташаббусдан воз кечилди, деб ёзади USA Today нашри.

Дастлаб АҚШ 3 минг жангчини тайёрламоқчи эди. Ушбу лойиҳанинг барча харажатлари 500 млн долларга баҳоланган эди. 2016 йилга келиб жангчилар миқдори 5 минг кишига етказилиши лозим эди.

Аммо лойиҳа ўзини оқламади. Инструкторлар фақат 180 кишини тайёрлай олди, шулардан 145 нафари ҳарбий ҳаракатларда иштирок этмоқда, лекин 95 нафаригина Сурияда. Тайёргарлик ўташга мўлжалланган 4 қароргоҳдан 2таси ишлатилди.

Лойиҳа ёпилишига қадар унинг доирасида 384 млн доллар ишлатилди, яъни 180 кишидан ҳар бирига 2 млн доллардан тўғри келди.

Кўпроқ янгиликлар