Мадриднинг "Реал" клуби ва Франция терма жамоаси ҳужумчиси Карим Бензема гиёҳванд моддаларнинг ноқонуний савдосига аралашганликда гумон қилиниши мумкин, деб хабар бермоқда Le Point нашри.

Ўйинчи трансатлантик рейслари орқали кокаин гиёҳванд моддасини жўнатувчи киши билан яқин алоқада бўлган бўлиши мумкин. Шу ишда гумонланувчилардан бири бўлмиш Али Бушаребанинг уйидан Бенземанинг сурати ва унинг дастхати туширилган бутса топилган.

“Менинг бу ишлардан хабарим йўқ. Бенземанинг атрофидаги кишилардан бирортаси гиёҳванд моддаларини деб қамоққа тушмаган. Биласизми, Каримнинг фейсбукдаги саҳифасида 20 миллион нафарга яқин обуначи бор. Уларнинг ичидан исталган бир телба фанат у билан бирга суратга тушган бўлиши мумкин. Аммо бу уларнинг ўзаро алоқалари бор, деган маънони англатмайди”, - деб таъкидлаб ўтган Бенземанинг агенти.

Эслатиб ўтамиз, айни вақтда Бензема бошқа жиноий ишда - ярим ҳимоячи Матье Вальбуэнага қарши товламачилик қилишда айбланмоқда.