АҚШ ҳукумати хориждан мамлакатга парвоз этувчи авиарейсларнинг хавфсизлигини ошириш чора-тадбирларини кўриб чиқмоқда, деб хабар бермоқда РИА “Новости”.

“Обама маъмурияти мамлакатга парвоз уюштирувчи бир қанча тижорий авиарейслар хавфсизлиги борасида қатор чора-тадбирлар кўриб чиқмоқда”, — деб маълум қилган Оқ уй вакили Жош Эрнест.

Эрнест Мисрда ҳалокатга учраган Россиянинг A321 самолётининг текширув ишларида АҚШ Россия ва Миср билан алоқа қилишини таъкидлаб ўтган.

Эслатиб ўтамиз, 31 октябрь куни Шарм-эл-Шейхдан Санкт-Петербургга парвоз қилган Airbus A321 лайнери ҳалокатга учраган, натижада унинг бортидаги 217 нафар кишининг барчаси ҳалок бўлган эди.