Рустам Азимов: Ўзбекистонда миллиардерлар йўқ ва бўлмаган ҳам

Ўзбекистон 06 Ноябрь 2015 16929

Тошкентда бўлиб ўтаётган Халқаро инвестицион анжуманда Ўзбекистон бош вазирининг биринчи ўринбосари ва молия вазири Рустам Азимов Ўзбекистон ҳукумати 2015-2020 йилларда иқтисодиётни модернизация қилиш дастурини амалга ошириш ҳисобига ялпи ички маҳсулотнинг ўртача йиллик ўсишини 8 фоиз даражасида таъминлашни режалаштираётганини айтди.

Рустам Азимовнинг айтишича, Ўзбекистон шу йиллар давомида саноат, транспорт инфратузилмасини модернизация қилиш ва транзит салоҳиятини ошириш бўйича умумий миқдори 51 млрд доллардан кўпроқни ташкил қиладиган лойиҳаларни амалга оширади.

“Ўзбекистон полиэтилен ва полипропилен ишлаб чиқариш бўйича Устюрт газ-кимё мажмуасини қуриш лойиҳасини якунлади. Ўзбекистонда синтетик ёнилғи ишлаб чиқариш бўйича завод ва олефин ишлаб чиқариш бўйича кимё мажмуаси ҳамда пиролиз бензин ишлаб чиқарувчи завод қурилмоқда. Белгиланган дастурларни амалга ошириш саноат ишлаб чиқариш ўсиши ўртача йиллик суръатларини 9 фоиз даражасида бўлишини таъминлашга имкон беради. Бунда саноат тармоғининг ЯИМ структурасидаги улуши 30 фоизгача ошади”, деб айтди Азимов.

Азимовнинг фикрича, Ўзбекистон МДҲнинг баъзи давлатларининг табиий захиралар қазиб олишга ихтисослаштирилган йирик корхоналарни ҳукуматга яқин баъзи абжир фуқароларга деярли сувтекинга берилиши каби аянчли тажрибасини такрорлаш ниятида эмас. Азимовнинг фикрича, бунинг оқибатида бундай абжир одамлар умумхалқ бойлиги ҳисобланган табиий бойликларни хусусийлаштириши натижасида бойиб, давлат бюджети эса аксинча, давлат ўзининг асосий вазифаларини бажара олиши учун зарур бўлган маблағларнинг сурункали тақчиллигини ҳис қила бошлади.

"Биз бундай йўлдан боришдан бошданоқ воз кечдик. Ўзбекистонда миллиардерлар йўқ, бўлмаган ҳам. Лекин мустаҳкам ўрта синф вакиллари шаклланган, бу эса ўз навбатида, доимий равишда давлат бюджетини профицит билан қоплаш имконини беради", деди бош вазир ўринбосари.

Молия вазирининг маълум қилишича, 2016-2020 йилларда Ўзбекистон Осиё тараққиёт банки ва Жаҳон банки билан молиявий сектор, қишлоқ хўжалиги, электр энергетикаси, инфратузилма, соғлиқни сақлаш ва таълим соҳаларида 12 млрд доллардан кўпроқ маблағга лойиҳалар амалга оширмоқчи.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 34150 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 72407 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10511 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 136544 Жамият
Шавкат Мирзиёев: «Пастга тушиб, одамларнинг дарди билан яшаш — яккаю ягона ва энг улкан мақсадимиздир»
А серия. «Наполи» ҳам ишончли ғалаба билан старт олди
03:03 79 Спорт
Гулистон туманидаги намунали уйларнинг намунасиз кўчалари. Мутасаддилар бунга нима дейди?
02:35 447 Жамият
Виталий Денисов футболга қайтганидан хурсанд
02:29 210 Спорт
«Агробанк» ҳақми ёки биолаборатория? Зарбдордаги чигал муаммони ким ҳал қилади?
02:25 364 Жамият
«Ўзбекистонда болалар кейинги 5 йил мобайнида боғчага 100 фоиз жалб қилинади» — Президент
Кўпроқ янгиликлар