Ўзбекистон миллий терма жамоаси футболчилари йиғилиб, илк машғулотни ўтказишди

Спорт 06 Ноябрь 2015 2681

Ўзбекистон миллий терма жамоаси 5 ноябрь куни ўзининг КХДР ҳамда Яманга қарши ўйинлари олдидан йиғинга кирди ва илк машғулотини ўтказди.

Ўзбекистон миллий терма жамоаси Жаҳон чемпионати-2018 иккинчи саралаш босқичи доирасида 12 ноябрь куни КХДР терма жамоасига қарши майдонга тушади. Ушбу учрашув Тошкентдаги "Пахтакор" марказий стадионида бўлиб ўтади. Ўйин 18:00да бошланади. Ўйинни Алиризо Фағони бошчилигидаги эронлик ҳакамлар бригадаси бошқариб боради.

17 ноябрь куни эса Ўзбекистон сафарда Яманга қарши майдонга тушади. Ямандаги нотинч вазият сабаб, ушбу ўйин Қатар пойтахти Доҳада ўтказилади.

Эслатиб ўтамиз, айни вақтда "H" гуруҳида КХДР терма жамоаси 5та ўйинда 13 очко тўплаган ҳолда пешқадам бўлиб турибди. Ўзбекистон эса гуруҳдаги рақибларидан бир ўйин кам ўтказган ҳолда 9 очко билан иккинчи ўринни эгаллаб турибди.

Кўпроқ янгиликлар