Роналду: Ўғлим совғага iPhone 6s олиш учун ҳали ёшлик қилади

Спорт 06 Ноябрь 2015 6896

Футбол оламининг энг машҳур шахсларидан бири бўлмиш Криштиану Роналду ўзининг шахсий ҳаётидаги баъзи жиҳатлари, хусусан 5 ёшли ўғли Криштианинью билан муносабатлари ҳақида The Times ва Kicker нашрларига сўзлаб берди.

Роналду ўз интервьюсида ўғлининг кулгуси унга ҳамиша қувонч бағишлашини айтиб ўтган.

У ўғлининг туғилиши ҳақида маълумотларни матбуотдан сир тутишда давом этишини билдирган.

"Мен 25 ёшга кирганимда ота бўлишни истай бошладим. Ва шундай бўлди ҳам. мен ёлғиз отаман. Дунёда кўпчилик билан шундай. Онасиз ўсаётган фақат менинг ўғлим эмас. Дунёда отасиз ўсаётган болалар ҳам кўп. Мен ҳеч қачон ҳеч кимга ўғлимнинг қандай қилиб ер юзида пайдо бўлиб қолгани, унинг онаси кимлиги ҳақида айтиб бермайман. Фақат унинг ўзигагина, у улғайганида бор гапни етказишим мумкин. Мен унга барчасини тушунтираман, ўз бошимдан қандай ҳиссиётлар кечирганим ҳақида айтаман. Менимча у буни тўғри қабул қилади", дейди футболчи.

"Ўғлимнинг туғилиши ҳаётимни ўзгартириб юборган. У ҳамиши кулиб юради ва менга ҳамиша далда беради. Мен унинг ҳам футболчи бўлишини, у ҳам мен босиб ўтган йўллардан юриб, ҳужумчи сифатида кучли жамоаларда ўйнашини истайман. Лекин у ҳозирча дарвозабон бўлишга рўйхушлик билдирмоқда", дея маълум қилган Роналду.
Дунёдаги энг кўп пул ишлаб топувчи Роналду тарбия жараёнида анча қаттиққўллигини ва бу жараён тартиб билан бўлиши керак деб ҳисоблашини айтади.

"Фарзандларнинг тарбияси осонлик билан бузилиб кетиши мумкин. Агар сен кичкина бўлиб катта кароватда ётсанг, болаликдан тўкин-сочин ҳаёт кечирсанг, нонуштага ҳар сафар йогурт ва мевалар истеъмол қилсанг жуда эрка бўлиб ўсасан.

Ўғлим анча олдинроқ, унга iPhone 6s сотиб олиб беришимни сўраганди. Мен дарҳол унга "йўқ!" деганман. У эса илтимосини такрорлаб, телефон унга мен билан гаплашиши учун керак бўлишини айтганди. Мен эса яна унга "бундай вақтда бувисидан мен билан боғлаб беришини сўраши кераклиги"ни айтганман. Уни доим назорат қилиб тура олмасман, лекин уни яхши тарбия қилишни истайман ва шу унинг учун энг керакли совға бўлади", дейди ота Роналду.

Ўз навбатида, у ўғлини овқатлардан умуман тиймаслигини аён қилган.

"Ҳар якшанбада биз бу борада ўзимизга эрк берамиз ва бургер еб, кока-кола ичиш учун йўл оламиз. Лекин меъёрга амал қилган ҳолда", дея аниқлик киритади футболчи.
Эслатиб ўтамиз, 2010 йилда Криштиану Роналду ўғилли бўлгани ҳақида маълум қилганди. Унинг биологик онаси ҳақида аниқ маълумотлар йўқ.

Кичик Роналду отаси ва бувиси Долорес билан Мадридда яшайди.

Роналду ўз автобиографиясида ўғлининг онаси ҳақида ҳеч қачон ҳеч кимга маълумот бермаслигини таъкидлаб ўтган.

Матбуотда бу масала билан боғлиқ турли миш-мишлар юради. Улардан бирига кўра, Криштианинью АҚШда суррогат она орқали дунёга келган ва Роналду бу амалиёт учун 20 миллион доллар сарфлаган.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 25015 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 54984 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 65364 Жамият
Бемор нега ўлим олдидан яхши кайфиятда бўлади?
Янги iPhone нефть ва қайин қобиғидан ясалган корпусга эга бўлади
Саудия Арабистони ва Хитой 20 млрд долларлик инвестиция жамғармасини ташкил этади
25 август куни Ўзбекистонда ўзгарувчан об-ҳаво кузатилади
Хитой шимолида жуда йирик газ кони топилди
15:34 614 Жаҳон
Қатар Россия билан ҳарбий-техник ҳамкорлик тўғрисида битим тузиши мумкин
15:24 691 Жаҳон
Қозоғистон БМТ Хавфсизлик Кенгашини ислоҳ қилиш таклифи билан чиқди
15:22 462 Жаҳон
Кўпроқ янгиликлар