Шамсиддин Ваҳобов 14 ёшли шахматчилар ўртасида жаҳон чемпиони бўлди

Спорт 06 Ноябрь 2015 3151

Грециянинг Халкидики шаҳрида шахмат бўйича 8 ёшдан 18 ёшгача бўлган спортчилар ўртасидаги жаҳон чемпионати якунланди. Мусобақа швейцарча тизимда ўтказилиб, ғолиб ва совриндорлар 11та тур якунига кўра аниқланди.

Жаҳон чемпионатида 122 давлатдан 1600 нафардан зиёд шахматчилар ўз имкониятларини синовдан ўтказишди. Улар орасида Ўзбекистон шарафини Маматқул Ҳайлаев ва гроссмейстер Марат Жумаев мураббийлигидаги 15 нафар ёш шахматчилар ҳимоя қилишди.

14 ёшли ўсмирлар гуруҳида иштирок этган Шамсиддин Воҳидов 11 имкониятдан 9 очко жамғариб, ўз ёш тоифасида жаҳон чемпионига айланди. Бу ҳақда "Оламспорт.сом" нашри хабар берган.

Хабар қилинишича, Ваҳобов сўнгги 11-турда оқ доналарда ўзи сингари 8 очко жамғариб турган россиялик Тимур Фахрутдиновни мағлубиятга учратди. Шамсиддин сингари 9 очко жамғарган яна бир россиялик шахматчи Андрей Есипенко қўшимча кўрсаткичларга кўра кумуш медал билан тақдирланди. 8,5 очко тўплаган эронлик Арян Голами бронза медалига сазовор бўлди.

Таъкидлаш жоиз, Шамсиддин Воҳидов ўз гуруҳида 12-рақам остида таснифланган эди.
Ўзбекистоннинг яна бир вакили Нодирбек Абдусатторов 12 ёшли шахматчилар орасида 8,5 очко билан кучли тўртликдан жой олди. Агар Нодирбек кеча сўнгги турда ҳиндистонлик Сарин Нихални мағлубиятга учратганида, у ҳам Шамсиддин сингари жаҳон чемпионига айланарди.

Исломбек Синдаров 8 ёшлилар гуруҳида 8 очко билан 5-ўринни эгаллади. Жавоҳир Синдаров 10 ёшлилар орасида 8 очко билан 8-поғонада жойлашди. Кетма-кет мағлубиятларни қабул қилиб олган Баҳора Абдусатторова 6 очко билан 28-ўринда қолди.

Жаҳон чемпионати якунида Ўзбекистон терма жамоаси 1та олтин медали билан умумжамоа ҳисобида Озарбайжон, Греция ва Германия терма жамоалари қаторида 4-7 ўринларни бўлишиб олди. 5та олтин, 3та кумуш, шунча бронза медали жамғарган Ҳиндистон терма жамоаси кутилганидек биринчи бўлди.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 7804 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 8663 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 51070 Жамият
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
Ўзбекистон Бош прокуратураси ходимлари Қозоғистонда бўлди
ФВВ тизими органларининг иш тартиби белгиланди
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 3333 Lifestyle
ОАВ: Ким Чен Ин Жанубий Корея билан чегарадаги ҳарбий базага махфий тарзда борди
09:42 3926 Жаҳон
КХДР АҚШ ва Жанубий Кореяга "шафқатсиз ўч олиш" билан таҳдид қилди
09:41 5778 Жаҳон
Чинозлик фуқаронинг уйидан 4 килограммга яқин марихуана моддаси топилди
09:38 1011 Жамият
Кўпроқ янгиликлар