Тошкентлик фирибгар самарқандлик эркакни Швецияга ишлагани жўнатаман деб, Парижга учириб юборди. Бу ҳақда “Огоҳ” нашри ёзмоқда.

Айтилишича, Шароф исмли шахс самарқандлик Фозил исмли киши билан танишиб қолиб, уни Швецияга ишлагани жўнатишини айтган. Бунинг учун у янги танишидан турли йўллар билан 6 минг доллар олган. Лекин аэропортда Фозил Швецияга эмас, Францияга учаётганини билиб қолган. Шундай бўлишига қарамай, у учиб кетган.

Фозилнинг йўқлигида Шароф унга тегишли Nexia автомашинасини ўз номига ўтказиб олган, бундан ташқари, Фозилнинг рафиқаси Лолани хиёнатга чорлаган. Шунда Лола тегишли органларга мурожаат қилган.

Айни пайтда жиноятчининг ишини суд кўриб чиқмоқда.