Украина энергетика вазири Владимир Демчишиннинг хабар қилишича, мамлакатнинг электр станцияларида 2.5 млн тонна кўмир тўпланган бўлиб, бу ўтган йилнинг шу даврига нисбатан 900 минг тоннага кўпроқдир. Бу ҳақда “Украина 112” телеканали эфирида хабар қилинди.

“Айни пайтда электр станциялари омборхоналарида кўмир ўтган йилгидагидан 900 минг тоннага кўпроқдир. Ўтган йили 1.6 млн эди, ҳозир 2.5 млн, бу иситиш мавсумини бошлаб олиш учун етарли, унга узилишлар бўлмайди, деган ишонч ва хотиржамлик билан киришга етарли”, - деди вазир.

У, шунингдек, бюджетда кўмир захираларини тўлдириб бориш учун 2 млрд гривна ажратилиши кўзда тутилганини маълум қилди.