6 ноябрь куни АҚШ томонидан Тожикистон Мудофаа вазирлигининг тинчликпарвар батальони ихтиёрига 5та J-8 русумли ҳарбий машина (йўлтанламас) жўнатди. Бу ҳақда Тожикистон Мудофаа вазирлиги матбуот хизмати вакили Фаридун Махмадалиевга асосланиб, "АП" хабар қилган.

Расмий Вашингтоннинг Душанбе шаҳридаги вакили Лесли Хейдн Тожикистон Мудофаа вазирлиги ҳарбий амалдорларидан бири, генерал-майор Мирали Раҳматзодага ҳарбий техникалар калитларини топширган.

Қайд этилишича, 2009 йилдан буён АҚШ Тожикистон Мудофаа вазирлигининг тинчликпарвар батальонини қуроллантириш учун жами 6,5 млн доллар ажратган.

АҚШнинг Тожикистондаги элчихонаси вакиллари Мудофаа вазирлиги томонидан қурилаётган янги ҳарбий полигонга ташриф буюришган.