Ҳиндистон ҳукумати Покистон билан баҳсли чегара ҳудудида жойлашган Жамму ва Кашмирнинг шимолий қисмини ривожлантириш учун 800 млрд рупий (қарийб 13 млрд доллар) маблағ ажратади. Бу ҳақда бош вазир Нарендра Моди Жамму ва Кашмир штатларининг маъмурий маркази Шринагар шаҳрига қилган сафари давомидаги чиқишида таъкидлаган.

У шунингдек, муаммонинг асосий ечими ёшларни иш билан таъминлаш эканлигини билдирган.

“Мен қачонлардир бутун Ҳиндистон Кашмирга боришни хоҳлаган кунларни қайтармоқчиман”, - дея таъкидлаган бош вазир.

Чегарадаги назорат линиясини Ҳиндистон ва Покистон армияси ажратиб туради ва у ҳуқуқий жиҳатдан кучга эга эмас. Британиялик босқинчилар Ҳиндистонни 1947 йилда бўлиб юборгандан кейин мамлакат бошидан учта урушни ўтказган. Улар 1947-1949 йиллардаги, 1965 ва 1971 йилдаги урушлар ҳисобланади.