"Реал" клуби ҳужумчиси Криштиану Роналдунинг ҳисоблашича, Жозе Моуриньо дунёнинг энг кучли мураббийидир.

"Жозе Моуриньони дунёнинг энг кучли мураббийи деб биламан. Бу ҳақида ҳар доим гапирганман.

У ажойиб бошқарувчи, клуб учун жуда кўп яхши ишлар қилади ва кўплаб совринлар ютиб олган.

Рафаэль Бенитес ва Моуриньо билан ишлаш мен учун қулай. Биз ўзимиз иштирок этадиган барча мусобақаларда ғолиб чиқишни истаймиз", - дейди Роналду.

У шунингдек, Моуриньо "Челси"даги вазиятни ўнглай олишига ишонч билдиришини айтиб ўтган.

"Мен Моуриньо билан ишлаганман ва унинг нималарга қодир эканлигини биламан. Айни пайтда у қийин аҳволда. Унга ушбу вазиятдан чиқиб кета олишини тилайман ва бунга ишонаман. У "Челси" мухлисларини хурсанд қила олади, чунки улар бунга ҳақлилар", - дейди Роналду.

Эслатиб ўтамиз, Жозе Моуриньо Криштиану Роналдуга 2010-2013 йилларда қадар "Реал"да устозлик қилганди.