АҚШ Мудофаа вазирлиги раҳбари Эштон Картер ҳарбий бошлиқлар билан учрашуви вақтида Қўшма штатлар Россия билан муносабатлардаги тушунмовчиликлар туфайли Европа ҳудудидаги ҳарбийлар сонини ошириши, аммо АҚШда бу ҳудуддаги ҳарбий қисмлар миқдорини "совуқ уруш" давридаги ҳолатга келтириш режаси йўқлигини айтиб ўтди. Бу ҳақда "РИА Новости" хабар берган.

"Биз Европага жойлаштирилган ҳарбий кучларимиз бўйича бир қанча ўзгаришларни амалга оширамиз. Тан олиш керакки, Россия биз назарда тутмаган йўлни танлади", дейди у.

Картернинг қайд этишича, "АҚШ "совуқ уруш"ни қайтармоқчи эмас. Бу кўпроқ Россиянинг нияти ҳисобланади".

Бироз олдинроқ, Houston Chronicle нашрида кейинги 10 йил ичида илк бор НАТОда "совуқ уруш" учун салоҳият пайдо бўлгани ҳақида ёзиб чиқилганди.