ИШИДнинг Суриянинг Раккадаги жангарилари етакчилари ва уларнинг Синай яриморолидаги иттифоқчилари ўртасидаги суҳбатда мисрлик жангарилар уларнинг ҳудудларида Россия самолёти қулаганини мақтаниб гапиришган. Бу ҳақда NBC телеканалига АҚШ ҳукуматидаги номаълум манба хабар берган, деб маълум қилмоқда Reuters ахборот агентлиги.  

“Улар бу фожиани нишонлашган”, деб айтди манба. Унинг айтишича, ўзаро суҳбатда жангарилар самолёт қулагани ва буни қандай амалга оширганликларини маълум қилишган.

Аввалроқ Россияда “самолёт бортида портлаш содир бўлганини исботловчи далил йўқлиги” маълум қилинганди.  

The Times нашрининг маълум қилишича, АҚШ ва Британия развекдаси биргаликдаги операция натижасида йўлдошли кузатув ёрдамида ИШИДнинг А321 самолёти бортида бомба бўлгани ҳақидаги эҳтимолий хабарларини ушлай олган.