ИШИД террорчилик гуруҳи узоқ давом этган музокаралардан кейин февралда асирга олган 37 нафар ассуриялик насронийни озодликка қўйиб юборди, деб хабар бермоқда РИА “Новости” ахборот агентлиги.

“ИШИД бизнинг жамоатимиздан 37 кишини қўйиб юборди. Уларнинг барчаси Тел-Тамар шаҳрига етиб келдилар, улардан кўпчилигини аёллар ташкил қилади”, деб айтди Ливандаги ассурияликлар жамоати вакили Саргон ота.

Террорчилар билан музокаралар улар насроний қишлоқларни босиб олгандан кейин, март ойида бошланган. Ўшанда террорчилар ҳужуми оқибатида камида 250 нафар маҳаллий аҳоли вакили асирга тушиб қолган.