Тошкентнинг Мирзо Улуғбек тумани, Қорасув-6 мавзеси, Қорасувбўйи кўчасида жойлашган “Авайхон” жоме масжиди таъмирдан чиқарилди. 

2014 йилнинг июнь ойида бошланган қурилиш-таъмирлаш ишлари якунланиб, жорий йилнинг 6 ноябрь санасида масжид тантанали равишда фойдаланишга топширилди.

"Мухлис.уз" нашри хабарига кўра, очилиш маросимида Ўзбекистон мусулмонлари идараси раиси, муфтий Усмонхон Алимов, масжид жамоаси, маҳалла аҳли ва намозхонлар иштирок этди.

Маросимида иштирок этган муфтий файзли ибодат уйи билан муборакбод этиб, юртимиздгаи тинчлик, фаровонлик сабаб бугун ибодат уйлари ана шундай қайта чирой очиб, обод бўлиб бораётганлигини таъкидлашди.

Шунингдек, муфтий ҳазратлари, 500 нафар намозхонни сиғдира оладиган катта хонақонинг архитектураси ҳамда нозик дид билан тўшалган гиламларига юксак баҳо беришди.