Бухарестдаги тунги клубда содир бўлган ёнғин қурбонлари сони 41 кишига етди. Бу ҳақда Mediafax нашри хабар бермоқда.

Соғлиқни сақлаш вазирлиги давлат котиби Раед Арофатнинг таъкидлашича, 7 киши Бухарестдаги, 2 киши Нидерландиядаги шифохоналардан оламдан ўтган.

Илгарироқ Руминия пойтахтидаги Colectiv тунги клубидаги ёнғин оқибатида 38 киши ҳалок бўлгани айтилган эди. Мушакбозлик оқибатида келиб чиққан ёнғин туфайли кўчага отилган одамлар биттагина эшик орқали чиқишга интилган. Бунинг натижасида кўплаб одамлар оёқости бўлди. Жароҳатланган 146 кишидан 80 киши оғир аҳволда.