00:08 / 08.11.2015
2708

Gretsiya bir kunda 383 nafar muhojirni qutqarib qoldi

Gretsiya sohilbo‘yi qo‘riqchilari va Yevropa Ittifoqining chegaralarni qo‘riqlash tashkiloti Frontex xodimlari Turkiyadan Gretsiya orollariga suzib kelayotgan 383 nafar muhojirning hayotini saqlab qoldi, deb xabar berdi Reuters axborot agentligi.

Mutaxassislar 6 ta qutqaruv operatsiyasi davomida Gretsiyaning Lesbos va Xios orollari yaqinida 9 ta suzish vositasidan muhojirlarni evakuatsiya qildi. Bu vositalardan 7 tasi puflangan, bittasi plasmassadan yasalgan va yana bittasi yog‘och qayiq bo‘lgan.

Qayd etilishicha, dengizdagi sokinlik evaziga muhojirlar orasida jarohat olish yoki o‘lim holatlari qayd qilinmagan.

Top