Россиянинг реактив пиёда огнемёти “Шмель” (тукли ари) АҚШда чоп этиладиган Popular Mechanics нашри муаллифларининг ҳайратига сабаб бўлди. Муаллифларнинг таъкидлашича, бу огнемёт ўзининг “ёқимтой” номига қарамасдан, унинг ўлим хавфи солувчи кучи душманларга ҳақиқий қўрқув солади.

“Шмель” бу термобарик қурол бўлиб, унда портловчи модда ва катта миқдорда ёқиб юборувчи ёнилғи аралашмаси ишлатилган. Қуролнинг ўқи нишонга текканда, ёнилғи аралашмаси ҳавога пуркалиб, ёнилғи булутининг аланганланишига ва портловчи заряднинг портлашига олиб келади. Бундай портлаш бункер ёки траншеядан туриб жанг қилаётган қўшинларга қарши айниқса самаралидир”, деб ёзмоқда муаллифлардан бири.

Нашр шунга эътибор қаратмоқдаки, снаряднинг портловчи кучи шунчалик каттаки, унинг оловли булути диаметри 7 метргача етади, бу эса оғир техникага қарши самарали курашиш ва катта босимда “биноларни ичидан портлатишга” ёрдам беради.

Шунингдек таъкидланишича, Россия огнемёти содда нишонга олиш тизимига эга ҳамда 730 метргача узоқликдаги нишонларни бехато уришга имкон беради.