Қарши шаҳар ИИБ навбатчилик қисмига маҳаллий фуқародан "Nexia" русумли автомобили номаълум шахс томонидан олиб қочиб кетилгани ҳақида хабар келиб тушган. 

Ички ишлар органлари ходимларининг аниқлашларича, автомобиль аризачи томонидан Қарши темир йўл бекатининг автомашиналар сақлаш жойида қолдирилгани маълум бўлган. Тезкорлик билан олиб борилган чора-тадбирлар натижасида жиноятни содир этишда гумонланувчи шахс Қарши шаҳрида истиқомат қилувчи 31 ёшли фуқаро эканлиги аниқланди ва қўлга олинди. 

Мазкур ҳолат бўйича жиноят иши қўзғатилиб, тергов ҳаракатлари олиб борилмоқда.