Мисрдан қайтаётган туристларга ёрдам кўрсатиш учун Россия Узоқ Шарқида оператив штаблар ташкил қилинди, деб хабар қилди ТАСС агентлиги.

“Миср минтақадаги туристик оқимнинг асосий йўналиши ҳисобланмайди. Статистикага кўра, бу мамлакат амурликлар учун 5-ўринда туради”, - деди вилоят ташқи иқтисодий алоқалар, туризм ва тадбиркорлик вазири Игорь Горевой.

Амур вилояти ҳокимияти матбуот хизматининг маълумотларига қараганда, Мисрда минтақанинг 19 фуқароси бор, яна 16 киши яқинда чипта ва йўлланмалар сотиб олган. Улардан ҳар бири билан индивидуал ишлар ўтказилади.